Vetëm disa javë kanë mbetur përpara se Pixel 8 të prezantohet zyrtarisht, megjithatë është bërë mjaft e zakontë që pamja e smartphone-ve të prodhuar nga Google të shpërndahet në internet që para prezantimit.
Imazhet e postuara nga @yabhishekhd në X këtë mëngjes tregojnë atë që supozohet se është Google Pixel 8a, në një pamje të hershme të kësaj pajisje që mund të jetë më e hershmja që kemi parë ndonjëherë të smartphone-ve nga Google.
Imazhi tregon një pajisje që ka dy kamera ngjitur me njëra tjetrën dhe me të gjithë pajisjen që ka një ngjyrë blu të ngjashme me atë që kemi parë në informacionet e bëra leak të Pixel 8 Pro. Gjithashtu tregohet më tej forma e përditësuar të telefonit, e cila është shumë më e rrumbullakosur në kënde krahasuar me Pixel 7a ekzistuese dhe më shumë në përputhje me atë që kemi parë nga pjesa tjetër e serisë Pixel 8.
Një imazh i pjesës së përparme të pajisjes tregon ekranin, i cili ka kënde shumë të rrumbullakosura, por edhe korniza mjaft të mëdha sipas standardeve moderne. Kjo nuk është befasi për një pajisje të Serisë A PIxel, megjithatë, pasi ata tradicionalisht kanë pasur kompromise në këtë fushë. Pretendohet se Pixel 8a do të fuqizohet nga një çip Tensor G3, gjë që pritet, dhe gjithashtu mban emrin e koduar “Akita“.
Duke pasur parasysh që ky imazh është publikuar shumë kohë para prezantimit zyrtar të kompanisë (zakonisht gjatë eventit Google I/O në maj), mund të duket disi e dyshimtë që ky të jetë produkti përfundimtar.
