Informacione kanë rrjedhur sa andej këndej për smartphonin më të fundit nga LG i cili sjell një këndvështrim ndryshe.
Më në fund pamje se si do të funksionojë hapja dhe mbyllja e Wing kanë dalë dhe duket me të vërtetë interesante.
Siç shihet edhe në videon e mëposhtme ekrani i pasëm hapet manualisht dhe duket më i madh nga çna e kishte marrë mendja. Mekanizmi i hapjes ama nuk duket shumë solid, së paku nga kjo video, por të jemi të bindur se pasi të dalë produkti zyrtarisht do të shohim materiale të dedikuara pikërisht atij mekanizmi.
Për fat të keq nuk pritet që ky produkt të ketë dalje globale, por teksa konfirmoi datën 14 shtator si datë zyrtare të lançimit të tij, LG deklaroi se aparati do të jetë pjesë e Explorer Project, e cila është “një kategori e re mobile me qëllim zbulimin e mënyrave të reja për të ndërvepruar me aparatet mobile, duke u përqëndruar tek evolimi dhe ndryshimet e nevojave të konsumatorit të sotëm, dhe sfidimit të normave të përcaktuara tashmë.”
Në fjalë të thjeshta LG ka vendosur të mendojë jashtë kutie, tek e fundit është bukur të shohësh se gjigandë të një kohe vazhdojnë ende të rezistojnë dhe përpiqen të gjejnë hyrje të reja në treg, gjithçka lind nga kjo është inovacion.
