Bota mbeti me gojë hapur dy vjet më parë kur Apple arriti vlerën në treg prej një trilioni dollarë, duke u bërë kompania më e shtrenjtë e teknologjisë në botë. Sot, duke shpërfillur totalisht pandeminë, kompania vlen dyfish për tregun.
Ditën e sotme aksionet e Apple kapën vlerën $467.55 për aksion e cila e shumëzuar për 4 milion aksione që prej 27 korrikut vlen plot $2 trilion plus minus ndonjë dollar. Kjo lëvizje vjen pikërisht përpara se kompania të ndante aksionet në katërsh në 24 gusht, e cila do të shumëzojë numrin e aksioneve me katër dhe do të pjestojë vlerën e secilit me katër.
Kjo e fundit për ta bërë më të lehtë blerjen e aksioneve nga njerzit.
E të mendosh që kjo kompani ishte fare afër falimentit në 1997, sot ajo është një perëndi e industrisë. Suksesi i kompanisë i atribohet udhëqjes së njerzve si Steve Jobs krijuesit dhe ish-CEO, ish-shefit të designit Jony Ive dhe CEOs aktual Tim Cook.
” Hyrjet financiare janë thjesht rezultat i inovacionit të Apple, duke vënë të parët produktet dhe klientët tanë, dhe duke qëndruar gjithmonë besnik vlerave tona.” U shkroi punonjësve të tij Tim Cook kur kompania kapi $1 trilion, jemi kurioz të dimë ç’do të shkruajë kësaj here.
Shifra pre 2 trilion dollarësh e pozicionon Apple edhe më lart se vlera ekonomike e plot 8 shteteve sipas Bankës Botërore.
GDP-ja e Shqipërisë për vitin 2019 ishte 15.28 bilion dollarë, nëse po e pyesje veten.
