Përditësimi i iOS 17.2 do të vijë muajin e ardhshëm dhe po sjell disa ndryshime të shumëpritura në iPhone. Apple duket se po fokusohet në përvojën e përdoruesit, por secili nga përmirësimet e reja të iOS 17 ofron diçka që do ta bëjë përdorimin e iPhone-ve një përvojë mjaft të këndshme.
Më poshtë do të listojmë 5 shërbimet kryesore që do të vijnë në këto pajisje.
Aplikacioni Journal
Journal do t’i lejojë njerëzit të shkruajnë mendimet e tyre, të shtojnë fotografi dhe video dhe madje të vendosin reminders për t’i rikujtuar vetes për të shkruajtur mendimet e tyre. Kjo ka potencialin të jetë një lëvizje mjaft pozitive pasi është treguar se ditari mund të jetë i shkëlqyeshëm për shëndetin mendor.
Playlist me këngë që plotësohet nga disa persona
Mundësia për të krijuar playlist në grup me miqtë dhe familjen tuaj është një veçori që do t’i shtojë më shumë aspektit social të iPhone. Collaborative Playlist do t’i lejojë njerëzit të shtojnë këngë dhe albume të preferuara në një playlist të përbashkët. Ky shërbim do ta bëjë të lehtë krijimin e playlists për festa dhe do t’i lejojë miqtë të ndajnë preferencat më të reja.
iMessage më i sigurtë
iOS 17.2 ka shtuar një veçori të re sigurie që lejon përdoruesit të verifikojnë kontaktet e tyre. Sistemi, i njohur si iMessage contact key verification, mund të shfaqë një kod që verifikon me kë po flisni. Contact key verification në iMessage u prezantua në dhjetor 2022 dhe u reklamua fillimisht për njerëzit me rrezik më të lartë ndaj mashtrimeve të phishing.
Eksperiencë e përmirësuar në Apple TV
Përditësimi do të ndryshojë gjithashtu mënyrën se si mund të përdoret Apple TV. Skedat e veçanta në App Store janë hequr për Movies dhe TV Shows. Në vend të kësaj, ato tani janë kombinuar në një seksion të vetëm. Ky ndryshim do ta bëjë Apple TV më tërheqës për t’u përdorur.
Çaktivizimi i shërbimeve të autocorrect
iOS 17.2 ka shtuar gjithashtu një veçori të re për të ndihmuar përdoruesit të çaktivizojnë parashikimet inline. Përditësimi ka shtuar një opsion të ri “show predictions inline” në sistem. Kjo do të thotë që përdoruesit mund të vizitojnë Settings të tastierës së tyre dhe të kalojnë opsionin në “off”.
