Me këtë dalje më të fundit mund të themi se tashmë gjëagjëza është e plotësuar. Pas temës dhe gameplayt i erdhi radha e zbulimit të historisë së Assassin’s Creed Valhalla.
Ky trailer i ri zbulon se protagonisti ynë është një lider i lindur, ndryshe nga seritë e tjera ku diskrcioni ka qenë kyç në linjën logjike. Eivor kthehet nga eksplorimet e tij me dhurata, pasuri por edhe miq të rinj të cilët sipas veshjes duken si anëtarë të vllazërisë Assassin.
Eivor largohet nga Norvegjia dhe rrethi i familjes me mision të qartë për të zgjeruar kufijtë e mbretërisë norse. Anglia nuk do të jetë e lehtë për tu nënshtruar pasi ajo copë toke i përket disa sunduesëve tashmë nga Mbreti Alfred i Wssex deri te bijtë kokëshkretë të Ragnar Lothbrok, askush nuk ka ndërmend të lëshojë asnjë copë dhe.
Qëllimi i mësymësve tanë është i qartë, të depërtojnë thellë e më thellë në ishullin sakson për të sjellë gjakun nors në këto brigje më të favorshme për jetesë.
E pikërisht atëherë kur menduam se boshti kryesor i serisë mungon, ai i vllazërive të fshehta, atentateve historike dhe mistereve të kohës, fundi i videos flet për një kërcënim të panjohur, të fshehtë i cili fshihet nën tokën e pushtuar. Një forcë përcaktuese e fatit të Anglisë dhe të Eivorit vetë.
Pra nuk qenka thjesht një lojë me pushtime fortesash, linja jonë e preferuar e misterit vazhdon të jetë në vendin që i takon.
