Trailer-i i ri nga Ubisoft i Far Cry 6 rikthen në qendër të vëmendjes personazhin negative, Anton Castillo të luajtur nga Giancarlo Esposito.
Lideri i ishullit imagjinar Yara duket ndërsa futet në mënyrë mjaft tmerruese në varkën ku protagonist Dani po përpiqet të arratiset me një grup, dhe pjesë e këtij grupi është vetë djali i Castillo, Diego.
Seritë Far Cry janë mjaft të njohura për personazhet negativë ose ndryshe villain ikonikë, dhe Ubisoft është gati ta përdorë këtë famë me prezantimin e planeve post-launch për Far Cry 6 që do të lejojnë gamers të shikojnë anën tjetër të historisë nga lojërat e kaluara.
Në season pass të Far Cry 6, ju mund të luani si Vaas Montenegro (Far Cry 3), Pagan Min (far Cry 4) dhe Joseph Seed (Far Cry 5) në tre episode unike ndërkohë që futeni brenda trurit të këtyre personazheve legjendarë për të zbuluar historitë dhe eksperiencat e tyre. Asnjëri prej tyre nuk e konsideron veten si “njeriu i keq”, gjë që u konfirmua dhe nga vetë Esposito në një intervistë.
Michael Mando, Troy Baker dhe Greg Bryk do të rikthehen për të përfaqësuar zërat e Vaas, Pagan Min dhe Joseph Seed respektivisht. Një bonus i shtuar do të jetë përfshirja e Far Cry 3: Blood Dragon në season pass.
Dita e lançimit të Far Cry 6 do të jetë në 7 tetor.
