Raportimi më i ri i fitimeve nga Sony sapo është publikuar, dhe në të gjenden shifrat totale të shitjeve dhe fitimeve nga PS5. Gjatë kësaj periudhe konsola ka arritur të shitet në nivele të larta, rreth 6.3 milionë njësi nga muaji janar deri në mars, duke e çuar numrin total të pajisjeve të shitura në 38.4 milionë.
Sipas raportimeve të ndryshme kjo sasi shitjesh për periudhën janar-mars është më e madhja në histori, e cila nuk ka ndodhur asnjëherë më parë, as me konsolat e tjera Xbox apo Nintendo. Konsolat PS5 po shiten shumë shpejt nga stoku, duke bërë që Sony të transportojë 11.5 milonë njësi gjatë vitit fiskal të kaluar, pra një rritje me 7.6 milionë njësi.
It appeared unlikely in Jan but it has reached its upgraded 19m FY target following availability of an additional 1m units
Now to examine sell-through ? pic.twitter.com/1k4w6UKF5R
— Piers Harding-Rolls (@PiersHR) April 28, 2023
Sony tregoi se rritja e njësive të transportuara është bërë thjeshtë për faktin se PS5 është rikthyer tashmë në stok pas mungesave të shumta. “Ne tashmë jemi në gjendje t’i dorëzojmë klientëve një PS5 pa patur nevojë për të pritur në të gjithë botën.” tregon zëdhënësi i Sony.
Gjithashtu dhe numri i përdoruesve aktivë të PlayStation është rritur me 2 milionë të tjera në 108 milion. Megjithatë duket se kjo gjë nuk ka ndikuar në numrin e personave të abonuar në PS Plus, që është 47.4 milionë në vit.
Një ndryshim i madh po ndodh në mënyrën e shitjes së lojrave, pasi Sony raporton se 67% e lojrave të shitura ishin kopje dixhitale të lojrave. Kompania parashikon që shitja e konsolave PS5 të vazhdojë të rritet.
Diçka që mund të ndihmojë rritjen e shitjeve të PS5 është dhe publikimi i lojës së re të Marvel Spider-Man 2.
