Dy forca të pakundërshtueshme në industri, Sony dhe Epic sapo konkretizuan bashkëpunimin e dyshuar që me publikimin e këtij materiali në Unreal Engine.
Investimi strategjik i Sony, erdhi në formën e mikro-blerjes së $250 milion aksioneve në Epic. Tregues i interesit të të dyja palëve për çka marrveshja mund të sjellë për të dyja krahët. Teknologjia e Epic ka rënë në sy vazhdimisht për përmirësime grafike të fuqishme, infrastruktura dhe shërbimet që perandoria Sony posedon mund tu hapë dyer të reja këtyre burimeve, në shumë fusha të industrisë së zbavitjes, nga filmi tek muzika etj.
“Teknologjia e fuqishme e Epic në fusha si grafika i vë ata në krye të zhvillimit të motorrëve të lojës si Unreal Engine dhe inovacione të tjera.” Thotë CEO i Sony Corporation Kenichiro Yoshida. “Nëpërmjet këtij investimi, do të eksplorojmë mundësitë për bashkpunime të mëtejshme me Epic për të sjellë vlera konsumatorëve dhe industrisë në tërësi, jo vetëm lojrat, por edhe ne panoramën në rritje me shpejtësi të zbavitjes digjitale.“
Kujtojmë se Sony prodhon shumë material edhe jashtë lojrave. Nga ana tjetër Unreal Engine i Epic është përdorur për gjëra si setet digjitale të Star Wars: The Mandalorian.
Nga kjo bëhet mjaft e qartë edhe arsyeja e investimit.
Nga ana tjetër, ne konsumatorët shohim vetëm të mira, pasi ky akord pritet të prodhojë teknologji të reja, vegla dhe infrastrukturë të re për zhanera të ndryshëm në zbavitje të cilat sigurisht se do ta gjejnë edhe rrugën në gaming.
Ose përderisa meta-verse i Fortnite duket se po zëvendëson festivalet dhe çdo interaksion tjetër, premierat e filmave të Sony mund të kenë gjetur një tjetër sallë kinemaje.
