Një javë pas Microsoft, edhe Sony konfirmon më në fund çmimin dhe datën e lançimit të konsoles së vetë më të fundit.

Zyrtare tashmë, PS5 do të kushtojë $499 për versionin me disqe dhe $399 versioni digjital. Në datën 12 nëntor do të jetë i disponueshëm për USA, Japoninë, Kanadanë, Meksikën, Australinë dhe Zelandën e Re, pjesa tjetër e botës do ta marrë më 19 nëntor.

Pjesa tjetër e eventit konsistoi në prezantimin e pjesëve nga lojra ekskluzive të Sony ku ndër të tjera u lajmërua edhe PlayStation Plus Collection e cila përfshin një numër lojrash të PS4 si; Days Gone, Persona 5, The Last of Us Remastered, të gjitha të shkarkueshme dhe disponibël që në lançim.
Ndër këto lojra edhe Fortnite do të jetë e mundur të luhet që në ditën e parë të blerjes së një PS5.

Ndër lojrat që pritet të vijnë në 2021 janë Devil May Cry: Special Edition, Resident Evil 8, Final Fantasy XVI, Spider-Man: Miles Morales por edhe rikthimin e Harry Potter.

Dhe meqë jemi tek rikthimet titulli për të cilin na rrahu më fort zemra; God of War u la për në fund.
Nuk u shfaq asnjë detaj përpos logos së lojës legjendare dhe shprehjes "Ragnarok is Coming." Çka na jep të besojmë se seria do të vazhdojë pikërisht aty ku ndaloi në 2018.

Edhe një tjetër vit fantastik parashikohet për Sony.