Sa herë përmendet PS5 të gjithë çmendemi duke diskutuar rreth SSD së paparë, ama të mos harrojmë që edhe DualSense 5 ka marrë mjaft vëmendje mbi aftësitë e saja të reja për tregun.

Thënë kjo, tani marrim më shumë hype pas deklaratave të drejtuesve të një loje që quhet Ghostwire: Tokyo e cila do të shfrytëzojë më së mirë vibrimet e përfolura të levës së kontrollit por edhe 3D Audio të konsoles.

"Duhet ta provosh në mënyrë direkte sepse kjo është vërtetë e vështirë për t'u shpjeguar verbalisht apo me tekst. Vibrimet e DualSense dhe butonat adaptivë ndjehen kaq mirë sa ne vetë, zhvilluesit, thamë "woah!" sepse na lejuan të ndjejmë shumllojshmërinë e aksioneve dhe sulmeve si kurrë më parë."

Në këtë pikë biem dakort se një opsion i tillë duhet të jetë vërtetë i mirë pasi nëse do të ishte thjesht si karrem marketingu dështimi nuk do të ishte larg, thënë me kaq konfidencë na mbetet ta besojmë.

Nga ana tjetër funksioni audio 3D i konsoles është një protokoll i cili përshtat komponentë muzikorë në tre dimensione me formën e veshit të përdoruesit. Një version i saj është tashmë i disponueshëm në disa forma PC, por PS5 do të jetë më i avancuar në drejtim të personalizimit.

"Për tu ndjerë sikur vërtetë je aty, për të ndjerë objektet dhe gjallesat që janë aty, audio është ekstremisht i rëndësishëm."

Ghostwire: Tokyo u pa për herë të parë gjatë prezantimit të lojrave të Sony, ajo pritet të dalë nga viti tjetër, por të dyja teknologjitë e përmendura më sipër do të jenë prezente në PlayStation 5 që në dalje të tij, më vonë gjatë verës.