May 30, 2020

Ish shefi i marketingut të Xbox mendon se Sony ka bërë një lëvizje të zgjuar me PS5

Vlerëso këtë lajm
(1 Vote)
Ish shefi i marketingut të Xbox mendon se Sony ka bërë një lëvizje të zgjuar me PS5

Dita e djeshme ishte eveniment për botën e gaming pasi Sony më në fund solli të dhënat zyrtare të PS5.
Pjesa më e madhe prej nesh u zhgënjye sepse nëse i vendos krahas atyre të Xbox Series X, PS5 duket inferiore.

Por jo të gjithë e mendojnë kështu.
Albert Panello, ish drejtori i marketingut të Xbox ka thënë se Sony ka bërë disa lëvizje vërtetë të zgjuara me PS5.
Panello i cili u largua nga Microsoft në 2018 pas 17 vjetësh në detyrë, është ndalur tek pikat më të forta të Sony të cilat i japin epërsi.

Ashtu si të gjithë ne edhe ai është konfuz sa i përket CPU dhe GPU, të cilat sipas Sony asnjëherë nuk do të rrotullohen në shpejtësi maksimale pasi do të bashkëveprojnë me njëra tjetrën për të ruajtur temperaturën dhe efikasitetin.

Panello thotë se nuk u çudit kur pa numrin e Teraflops pasi ai sikundër edhe shumë zhvillues videolojrash kanë theksuar këto ditë; TFlops nuk janë aspak njësi matëse ndaj duhet parë në praktikë.

Por ama 2 janë sipas tij pikat ku PS5 fiton:

SSD e cila do të transmetojë të dhëna në shpejtësi 5.5 GB në sekondë gjë e cila është lavdëruar nga shumë zhvillues lojrash duke e cilësuar si një hap gjigand. Duke garantuar "load time" tmerrësisht të reduktuar. Kujtojmë se SSD e Xbox Series X edhe pse më e madhe në kapacitet nuk do të jetë më e shpejtë se 2.5 GB/s.

Çmimi i cili sipas Panello këto zgjedhje i lejojnë Sony që ta prezantojnë PS5 me një çmim goxha më të mirë se Xbox. Ai shprehet se nëse kjo konsole do të shitet për $399 atëherë do të ishte goxha ofertë dhe avantazh kundër Xbox Series X.

Thursday, 19 March 2020 17:42 Last modified on Thursday, 19 March 2020 17:48

Geek Room on Instagram