Diablo: Resurrected ka treguar disa detaje të reja rreth update-it të fundit, ku përfshihen modaliteti i ri Ladder dhe ndryshimet të klasit të parë pas një dekade. Versioni 2.4 pritet të vijë vitin e ardhshëm.
Zhvilluesit e lojës shpjeguan në një patch note se “prioriteti i tyre për Ladder Rank ka qenë që ky modalitet të ofrojë një eksperiencë të rrjedhshme”. “Natyra kompetitive që e karakterizon këtë shërbim kërkon stabilitet, ndërkohë që lojtarët garojnë drejt 99. Ekipet tona kanë investuar shumë kohë për ta bërë këtë eksperiencë sa më të mirë.”
Vetë Ladder do të ofrojë 4 modes: Standard (4 akte), Hardcore (me vetëm një jetë), Standard Expansion (me 5 akte) dhe Hardcore Expansion (vetëm një jetë në 5 akte).
Sipas zhvilluesve “lojtarët që do të marrin pjesë në sistemin Ladder do të kenë shansin të zbulojnë disa Rune Words unike”. Në fund të sezonit Ladder, karakteret do të vendosen në një version jo-ladder të lojës. Më pas me fillimin e sezonit të ri, ju duhet të krijoni një karakter të ri dhe do ta filloni nga e para.
“Pas 11 vitesh, ne kemi vendosur të bëjmë disa ndryshime për t’u zgjeruar, krijuar diversitet dhe për të ruajtur specialitetin dhe fantazinë. Këto qëllime janë jetësore. Ne po i rishikojmë aftësitë e nënvlerësuara, po bëjmë quality-of-life changes dhe shumë më tepër për të përmbushur këto qëllime.” thonë zhvilluesit e lojës.
