Pas suksesit të edicionit të parë në 2023, GameJam Tirana kthehet për herën e dytë, duke premtuar të jetë një eksperiencë edhe më emocionuese. Ky event nuk është vetëm për gamers, është një festë e krijimtarisë, bashkëpunimit dhe komunitetit. Nga 26 deri më 29 prill 2024, GameJam Tirana do të transformojë Coolab House në një arenë dinamike ku entuziastët e lojërave bashkohen për të ndërtuar të ardhmen e industrive krijuese shqiptare.
Kush duhet të aplikojë
GameJam Tirana fton studentët e shkollave të mesme dhe universiteteve, profesionistët e rinj dhe këdo me pasion për zhvillimin e lojërave dhe industritë krijuese. Nëse jeni një programues, një dizajner lojrash, apo një ideator kreativ, ky event është platforma juaj për të shkëlqyer.
Çfarë të pritni
Pjesëmarrësit do të përjetojnë një udhëtim intensiv 3-ditor në brainstorming, dizajn dhe zhvillim i lojërave unike rreth një teme të përbashkët. Ju do të grupoheni në ekipe, që formojn një përzierje të ideve dhe aftësive. Qëllimi? Të krijoni prototipe origjinale lojërash që nuk janë vetëm argëtuese, por janë inovative dhe potencialisht të gatshme për treg.
Ejani të forconi lidhjet brenda komunitetit të gamers shqiptar. Nën udhëzimin e 15 ekspertëve rajonalë nga Shqipëria dhe vendet fqinje, ju gjithashtu do të përmirësoni aftësitë tuaja në zhvillimin e lojërave. Workshop-et dhe panelet do të mbulojnë aspekte të ndryshme të zhvillimit të lojërave, nga programimi deri te dizajni artistik.
Pjesëmarrja juaj mund të jetë katalizator për mundësi të reja të punësimit dhe investimeve në sektorin e lojërave në Shqipëri. Edicioni i parë tashmë ka treguar potencial, me dy pjesëmarrës që morën një grant për lojën e tyre nga konkursi JuniorUp.
Si të aplikoni
Përgatituni të jeni pjesë e këtij udhëtimi emocionues! Regjistrimet janë hapur, mjafton të klikosh këtu dhe të plotësosh të dhënat. Ke kohë deri në 15 prill.
Shënoni datat 26-29 prill dhe përgatituni të bashkoheni me ne në Coolab House për një event që është i sigurt se do të rishkruajë kufijtë e krijimtarisë dhe bashkëpunimit në industrinë e lojërave!
