Konferenca e përvitshme e platformës streaming TwitchCon San Diego është anulluar për shkak të pandemisë.
“Për shkak të kufizimeve mbi grumbullimet dhe shqetësimeve të vazhdueshme për shëndetin dhe sigurinë e komunitetit tonë, skuadra Twitch, dhe komuniteti lokal San Diego, kanë vendosur ta anullojnë TwitchCon San Diego këtë vjeshtë,” kështu deklaron Twitch.
An update on TwitchCon San Diego and what comes next. pic.twitter.com/ft2P5gtRX2
— TwitchCon (@TwitchCon) June 18, 2020
Eventi ishte planifikuar të zhvillohej në 25-27 shtator. Megjithatë kompania ka lënë të kuptohet se një lloj TwitchCon-i do të zhvillohet këtë vit, me shumë mundësi online.
“Ndërsa nuk mund të mblidhemi fizikisht, po eksplorojmë mënyra si të bashkojmë forcat në një dimension alternativ më vonë gjatë vitit.”
Në mars Twitch anulloi gjithashtu TwitchCon Amsterdam, e planifikuar për 2-3 maj.
Shumë evente video gaming janë anulluar këtë vit prej Covid-19, përfshirë “E3“.
