Gjeologët po planifikojnë të thyejnë kristalin 830 milionë vjeçar, pasi ata besojnë se në të gjenden mikroorganizma ende të gjallë. Studiuesit nga Geological Society of America prezantuan zbulimin e mbetjeve të vogla të jetës prokariote dhe të algave brenda një kristali tjetër më herët gjatë këtij muaji.
Këto organizma u gjetën brenda flluskave mikroskopike prej lëngu brenda në kristal, të cilat mund të shërbejnë si mikrohabitate për kolonitë e vogla të organizmave. Për të zbuluar nëse kjo jetë antike është ende e gjallë, studiuesit dëshirojnë të hapin kristalin për ta studiuar.
Sigurisht pas këtyre viteve të fundit ku ne jetuam të kufizuar nga pandemia e COVID-19, hapja e këtij kristali mund të mos jetë idea më e mirë. Por studiuesit tregojnë se hapja do të kryhet me përkujdesin maksimal.
Ndoshta mund të duket disi e pamundur që mikroorganizmat brenda kristaleve të jenë akoma të gjallë, mirëpo prokariotë të gjallë janë zbuluar në kristalet më tepër se 250 milionë vjeçare, prandaj ndoshta ato mund të mbijetojnë dhe për 830 milionë vite.
“Mbijetesa e mundshme e mikroorganizmave në shkallë kohore të ndryshme gjeologjike nuk është kuptuar ende plotësisht.” treguan studiuesit në intervistën e tyre.
Studimi i mikroorganizmave mund të na ndihmojë dhe në arritjen e një teorie mbi jetën aliene. Është e mundur që organizma të ngjashëm të zbulohen dhe në sedimentet kimike nga Marsi, ku depozita të mëdha kripe janë evidentuar si një provë e ekzistencës së jetës në Planetin e Kuq.
