Në Netflix janë regjistruar qindra mijëra abonentë të rinj që kur kompania filloi t’i tarifojë përdoruesit nëse ata kanë përdorues të tjerë në llogarinë e tyre.
Këto të dhëna vijnë nga Antenna. Menjëherë pas fillimit të këtyre tarifave, Antenna thotë se Netflix regjistroi rritjen më të madhe të numrit të përdoruesve brenda 4 ditëve.
“Bazuar në të dhënat më aktuale të disponueshme, Netflix pa gati 100,000 regjistrime ditore si në 26 maj ashtu edhe në 27 maj,” tha Antenna në një postim. “Këto regjistrime tejkalojnë nivelet e larta të regjistrimeve të arritura gjatë COVID-19 në mars dhe prill 2020.”
Megjithatë dhe numri i anulimeve në platformë është shtuar që kur Netflix ndryshoi politikën e tij se kush mund të aksesojë një llogari, por që nuk mund të krahasohet me regjistrimet e reja.
Netflix prezantoi në fund të muajit të kaluar një tarifë ekstra për të gjithë përdoruesit aktualë të cilët ndanin adresën e tyre me miq apo të njohur të ndryshëm, të cilët nuk jetonin në një shtëpi, dhe tani qytetarët e SHBA duhet të paguajnë 8 dollarë shtesë mbi tarifën e abonimit nëse dikush jo nga familja e tyre përdor të njejtën llogari në Netflix.
