Kompania Pokémon ka disa lodra pellushi në përmasa reale të karaktereve mjaft të dashur Eeveelution, duke përfshirë Eevee, Jolteon, Vaporeon, Flareon, Umbreon, Espeon, Glaceon, Leafeon dhe Sylveon.
Në Japoni, shitjet për Eevee, Jolteon, Flareon dhe Vaporeon do të mund të blihen nga dansat deri më 19 maj. Pellushi i vogël Eevee kushton rreth $27, ndërsa versionet e mëdha të evoluara kushtojnë rreth $306 secila. Nëse ju jeni të interesuar të blini të gjithë koleksionin e këtyre lodrave prej pellushi do t’ju kushtonte gati $2,500.
Në SHBA, këto lodra po shiten gjithashtu me çmime të ngjashme: $400 për secilin prej formave të evoluara dhe $40 për Eevee. Madhësitë variojnë nga 90 cm deri në 110 cm për evolucionet, ndërsa Eevee është rreth 40 cm i gjatë. Paraporositë për Espeon dhe Umbreon do të hapen këtë verë, ndërsa Glaceon, Leafeon dhe Sylveon do të jenë në dispozicion në vjeshtë. Pritet që çmimi i tyre të mbetet rreth $400.
Më shumë informacione për Umbreon dhe Espeon do të publikohen në maj, ndërsa për Glaceon, Leafeon dhe Sylveon në qershor. Të gjitha lodrat janë prodhuar në Vietnam dhe janë bërë nga materiale të reja si fibra poliestër, PP dhe poliuretani. Kompania i rekomandon këto lojra për fëmijët mbi 8 vjeç dhe duhet të pastrohen vetëm në sipërfaqe.
Megjithëse janë mjaft të shtrenjta, këto lodra janë shumë të dëshiruara nga koleksionuesit e fansat e Pokémon.
