ër t’i ndihmuar njerëzit të gjejnë qen që përputhen me mënyrën e tyre të jetesës, kompania Purina ka krijuar një test të quajtur Dog Breed Selector, që synon të zbulojë se cilat raca janë më të përshtatshme për ju dhe cilat duhen shmangur.
Testi përfshin 16 pyetje të ndara në pesë kategori: Përvoja, Ushtrimet, Pamja, Sjellja dhe Mjedisi. Ai shqyrton gjithçka, nga përvoja juaj e mëparshme me qentë, preferencat për madhësinë dhe nivelin e aktiviteteve, deri te toleranca ndaj pështymës apo nevoja për një kopsht. Për shembull, në seksionin e përvojës pyetja “Sa trajnim dëshironi të bëni?” ofron mundësi përgjigjesh nga “Vetëm bazik” deri te “Dëshiroj ta stërvis në nivel të lartë”.
Në fund të testit, rezultati ndahet në katër nivele përputhjeje: Perfect Match (Përputhje e përkryer), Great Match (Shumë e mirë), Good Match (E mirë) dhe Mismatch (E papërshtatshme). Krahas imazhit të secilës racë, Purina ofron edhe shpjegime pse një qen mund të mos jetë i përshtatshëm për ju, si për shembull mungesa e hapësirës ose kërkesat e larta për aktivitet.
Purina thekson se çdo kafshë meriton një shtëpi plotë dashuri dhe inkurajon përdoruesit të marrin parasysh edhe adoptimin e qenve në nevojë, përveç kërkimit të racës ideale.
