Ndoshta në Shqipëri pagesa contactless përmes smartphone-ve apo orave smart nuk është shumë e përhapur, mirëpo një studim i ri tregon se në këtë mënyrë ne po “kursjemë paksa”.
Studiuesit nga University of Puget Sound në Washington kanë zbuluar se njerëzit që përdorin këtë lloj metode për të paguar faturat e tyre, kanë më tepër gjasa për të shpenzuar më tepër seç duhet.
“Shpenzimet e tepërta përmes pagesave contactless mund të jenë të lidhura me natyrën e transaksionit, pasi ju nuk i shikoni asnjëherë paratë që shpenzoni. Gjithashtu ky proçes është shumë i thjeshtë.” treguan studiuesit, të drejtuar nga Sun Young Ahn.
Sistemet mobile të pagesave si Apple Pay, Google Pay dhe Samsung Pay janë ndër më të përdorurit në botë, 32% e të gjitha blerjeve online kryhen nga mobile wallets.
Në studim morën pjesë 21,457 adultë amerikanë të cilëve iu analizuan sjelljet gjatë shpenzimeve. Rezultatet treguan se 37% e pjesëmarrësve kanë përdorur pagesat mobile online ose fizikisht. Nga këtu u kuptua se personat që përdorën pagesat mobile kishin 34% më tepër gjasa të shpenzonin më tepër nga pagesa e tyre vjetore, krahasuar me personat e tjerë që përdornin mënyra të tjera pagese.
Ato kishin gjithashtu 31% më tepër gjasa të hasnin vështirësi kur paguanin faturat dhe shpenzimet e tyre.
