Me përbindësha të tmerrshëm si Demogorgon dhe Mind Flayer, Stranger Things ka krijuar një koleksion të mahnitshëm të tyre. Mirëpo në sezonin më të ri, ky show merr një drejtim pak më ndryshe se zakonisht.
Përbindëshi i ri, i quajtur Vecna, është më tepër një përbindësh klasik i viteve 80. Për të ndihmuar në krijimin e këtij përbindëshi drejtuesit e serialit Matt dhe Ross Duffer kërkuan ndihmën e dizenjuesit të protezave Barrie Grower. “Ato kishin një vizion tepër të qartë rreth pamjes së këtij karakteri.” tha Grower.
Grower ka një eksperiencë mjaft të madhe në krijimin e këtyre përbindëshave, pasi ka punuar më parë në projekte mjaft të mëdha si Game of Thrones apo Harry Potter.
Vecna do të jetë përbindëshi me pamjen më humane që është shfaqur ndonjëherë në këtë serial. Glower tregon se proçesi nisi me disa imazhe koncept nga artisti Michael Maher Jr, dhe qëllimi i tyre ishte të krijonin “një karakter pothuajse 100% praktik.”
Në vend që të përdornin një kostum të gomuar, kostumi i Vecna është i përbërë nga disa copëza të ndryshme të cilat u ngjitën në lëkurën e aktorit. Në këtë mënyrë aktori kishte disa avantazhe më tepër, si për shembull një lëvizshmëri më të madhe. Megjithatë ky proçes kërkonte një punë shumë të madhe, rreth 6.5 deri në 7 orë për t’u ngjitur. Një tjetër problem madhor për aktorin ishte dhe nxehtësia që i sillte ky kostum (pa llogaritur këtu të gjitha herët që aktori duhet të shkonte në WC).
