Një YouTuber i quajtur Caesar publikoi në kanalin e tij Loco VlogS një video ku ai futej në ambientet e punës së SpaceX në Texas-in e jugut, duke shkuar shumë pranë Starship-it prototip SN11 dhe nuk u ndalua nga asnjë person.
Video e postuar nga vetë ai u fshi para disa kohësh, kur kishte vetëm 5 like dhe 100 dislike. Tani një tjetër përdorues i YouTube e ringarkoi këtë regjistrim në 31 mars. Video tregon Caesar i cili ecën mjaft lirshëm përreth prototipit 16 kat të lartë Starship SN11 deri sa më pas afrohet shumë pranë motorëve shumë të mëdhenj Raptor.
Caesar regjistroi këtë video disa ditë para se ajo të shpërthente gjatë një testimi, duke u bërë prototipi i 4 që nuk i mbijeton testimit. Në 1 prill ai publikoi një video ku kërkonte falje për veprimet e tij. “Po, ishte një veprim i gabuar dhe ilegal, por në atë moment nuk arrita të mendoja rreth pasojave.” u shpreh Caesar.
Kjo nuk është hera e parë që një ngjarje e tillë ndodh, pasi në 2019 një fans i SpaceX u arrestua dhe u akuza se u fut pa leje në zonën pranë një rakete të quajtur Starhopper.
