Kur Facebook ndryshoi emrin e saj në Meta gjatë tetorit të vitit të kaluar, kishte disa shqetësime se kompania po planifikonte të dominonte metaverse, mirëpo një palë ka mbetur e pakënaqur nga ky ndryshim dhe vetëm tani ka vendosur ta bëjë të ditur këtë pakënaqësi.
Një kompani që merret me ekspozitat e artit AR, e quajtur META (Meta.is) (Meta.is) lajmëroi ditën e martë se do të padisë Meta (ose Facebook) për shkelje të markës tregtare, duke pretenduar se ndryshimi i emrit i kryer nga Mark Zuckerberg dëmtoi punën e kompanisë më të vogël.
“Në 28 tetor 2021, Facebook sekuestroi vulën dhe emrin tonë META, për të cilin prej 12 vitesh ne kemi derdhur djersë, gjak dhe lot.” lexohet në një postim në website-in e kompanisë. “Sot, pas 8 muajsh negociatash me Facebook në mirëbesim pa dobi, ne mbetëm pa asnjë zgjidhje tjetër veçse të ngremë një padi kundrejt tyre.”
Pjesa më e madhe e kësaj padie fokusohet në numrin e madh të skandaleve të privatësisë që Facebook ka patur, dhe Meta.is tregon se kjo gjë e bën të pamundur përdorimin e të njejtit emër. “Meta nuk mund të ofrojë shërbime nën vulën META, pasi konsumatorët besojnë në mënyrë të gabuar se shërbimet e Meta burojnë nga Facebook dhe se Meta është e lidhur me toksicitetin që lidhet me Facebook.”
Meta.is është ligjërisht e regjistruar me këtë emërtim por megjithatë do të duhet të përballet në gjyq për kohë të gjatë me ish-Facebook, për shkak të ndryshimeve të mëdha që Facebook ka bërë gjatë kohëve të fundit.
