Netflix ka vendosur të ristrukturojë njësinë e filmave pasi dëshiron që të krijojë më pak filma të rinj, por që do të kenë cilësi më të lartë, siç tregohet përmes një raportimi nga Bloomberg.
Gjigandi i industrisë kinematografike do të kombinojë njësitë e ndryshme të filmit që punojnë në projekte të vogla apo mesatare për të krijuar një njësi të vetme, gjë që do të sjellë dhe reduktimin e numrit të punonjësve. Netflix tregoi për mediat se këto ndryshime janë bërë për të krijuar një strukturë sa më të thjeshtë si dhe që kompania të përgatitet për një fazë të re rritje, por refuzoi të komentonte mbi numrin e punonjësve që do të pushohen nga puna.
Me shumë mundësi ky ndryshim është implementuar aktualisht, pasi Netflix zbuloi se do të krijojë vetëm 49 filma përgjatë vitit 2023. Për të bërë një krahasim të shpejtë, vitin e kaluar kompania prezantoi 85 filma origjinal.
Një ndër personat që do të largohen nga kompania do të jetë dhe Lisa Nishimura, e cila merrej me dokumentarët dhe komedinë në Netflix. Ajo ka punuar në disa prej shoës më të njohura të Netflix, duke përfshirë këtu “Making a Murderer”, “Power of the Dog” dhe “Tiger King”.
