Netflix krijoi një anime të re e cila përdor inteligjencën artificiale për të pikturuar sfondet në serialin e animuar, dhe kjo gjë ka irrituar shumë fansa.
Netflix Japan tregoi përmes një tweet-i se në projektin e quajtur “Dog and The Boy“ janë detyruar të përdorin inteligjencën artificiale si një përgjigje ndaj mungesës së punonjësve në industrinë e anime.
Netflix アニメ・クリエイターズ・ベース×技術開発のrinna株式会社×WIT STUDIOによる共同プロジェクトアニメ『犬と少年』のショートムービー。
人手不足のアニメ業界を補助する実験的な取り組みとして、3分間の映像全カットの背景画に画像生成技術を活用！ pic.twitter.com/GYuWONSqlJ
— Netflix Japan | ネットフリックス (@NetflixJP) January 31, 2023
Ky tweet tërhoqi menjëherë kritika të shumëta nga komentuesit të cilët akuzonin Netflix se ka përdorur AI për të shmangur pagimin e artistëve humanë. Kjo ka qenë një temë mjaft e diskutuar që në momentin kur inteligjenca artificiale nisi të përdorej gjatë vitit të kaluar, pasi shumë artistë e vlerësojnë këtë teknologji si jo-etike, pasi është trajnuar nga arti i krijuar nga humanët e tjerë. Tashmë teknologjia po përdoret për të ulur akoma më tepër kostot dhe për të zhvlerësuar punën e artistëve.
“Kërkesa për prodhime të reja anime është rritur shumë gjatë viteve të fundit, mirëpo industria është goditur shumë ng kushtet e këqija të punës dhe paga shumë e ulët.” tregon Samantha Cole. “Në 2017, një ilustrues vdiq ndërsa punonte, dhe besohet se arsyeja e vdekjes ishte një infarkt i shkaktuar nga stresi. Në vitin 2021 raportohej se pagesa mesatare e një ilustruesi të shkallës së ulët ishte $200 në muaj, gjë që nxiti shumë njerëz të ndryshojnë karrierën e tyre për të fituar më tepër para.”
Dhe ilustruesit më të mirë në botë besohet se paguhen $1,400 deri në $3,800 në muaj, një shifër shumë e ulët duke konsideruar fitimet në industri. Përgjatë 2021, industria e anime regjistroi fitime prej $18.4 miliardë.
