Ditën e martë NASA tha se kanë nënshkruar një marrëveshje me SpaceX për t’u fokusuar në shmangjen e përplasjeve midis anijeve kozmike të tyre dhe satelitëve të SpaceX. Kjo marrëveshje do të përmirësonte shpërndarjen e informacioneve midis NASA dhe Starlink rreth vendndodhjeve ekzakte të pajisjeve teknologjike të kompanive.
“Është shumë e rëndësishme të komunikojmë me kompanitë komerciale si SpaceX që kanë shumë satelitë në orbitë për të siguruar shmangjen e aksidenteve dhe krijimin e praktikave në ruajtjen e sigurisë në hapësirë.” u shpreh Administratori i NASA, Steve Jurczyk.
SpaceX ka pranuar manovrimin automatik ose manual të satelitëve për të siguruar që satelitët e NASA të operojnë në mënyrë të pandërprerë.
Vitin e kaluar Elon Musk shpjegoi se po planifikonte listimin e Starlink pas dis vitesh kur rritja ekonomike të jetë e qëndrueshme dhe e parashikueshme, duke theksuar se ato janë një rrjedhë shumë e rëndësishme e të ardhurave për SpaceX.
