Mira Murati është një figurë e njohur në fushën e teknologjisë dhe inxhinierisë, me një ndikim të rëndësishëm në zhvillimin e inteligjencës artificiale. Ne ndihemi tepër krenarë që përfaqësohemi nga zonja Murati në një nivel kaq të lartë në një nga kompanitë më të rëndësishme në botë.
Dhe pse shumë njerëz kërkojnë nga zonja Murati që të promovojë më tepër vendlindjen e saj, ajo gjithmonë e ka treguar historinë e saj të fëmijërisë në Shqipëri, dhe për më tepër ka kaluar dhe një periudhë të qetë me familjarët e saj në bregdetin e Shqipërisë.
Së bashku me persona të afërt, Mira Murati ka qëndruar për 2 javë në Shqipëri, dhe ka vendosur të qetësohet nga angazhimet e mëdha në OpenAI në një nga vilat luksoze të Kep Merli.
Lajmi u bë i ditur nga gazetari Blendi Fevziu nëpërmjet një postimi në rrjetet sociale, ku tregon dhe pamjen e bukur të vilës ku zonja Murati kaloi pushimet.
Ajo është një nga nëndrejtuesit e OpenAI, një organizatë mjaft e njohur kryesisht falë ChatGPT, një platformë që tashmë po përdoret çdo ditë e më shumë. Murati ka luajtur një rol të rëndësishëm në krijimin e disa nga modelet më të avancuara të inteligjencës artificiale, duke kontribuar në përparimin e teknologjive që ndihmojnë në përmirësimin e jetës së përditshme dhe në zgjidhjen e problemeve komplekse.
Përveç punës së saj në OpenAI, ajo ka një histori të pasur në fushën e teknologjisë dhe ka kontribuar në zhvillimin e platformave dhe mjeteve të avancuara për të nxitur inovacionin në këtë fushë.
Falë këtyre arritjeve, sot Murati është dhe anëtare e jashtme e Akademisë së Shkencave të Shqipërisë.
