Në një treg që po evoluon me ritme të shpejta dhe ku kërkesa për produkte premium po rritet ndjeshëm, Mektrin Marine ka arritur të pozicionohet si një nga emrat më të besueshëm dhe prestigjioz në industrinë e mjeteve lundruese në Shqipëri. Me një filozofi të qartë mbi cilësinë, elegancën dhe shërbimin e personalizuar, kompania po krijon themelet e një kulture të mirëfilltë luksi detar në vend.
Përfaqësuese ekskluzive e disa prej brendeve më të njohura ndërkombëtare si Cranchi Yachts, Skipper, Ranieri International dhe Capelli Boats, Mektrin Marine u ofron klientëve një gamë të gjerë mjetesh të sofistikuara, të dizajnuara për të përmbushur nevojat e individëve që vlerësojnë stilin, performancën dhe vlerën afatgjatë të një investimi të menduar mirë.
Klientët që i drejtohen Mektrin Marine janë zakonisht profesionistë të suksesshëm dhe individë aktivë që shohin në lundrim jo vetëm një mënyrë argëtimi, por një mënyrë jetese. Kompania nuk ofron thjesht produkte por një përvojë të plotë, që fillon me konsulencë të personalizuar dhe vazhdon me asistencë teknike, shërbime pas shitjes dhe përkushtim maksimal ndaj çdo detaji.
Showroomi i Mektrin Marine është konceptuar si një hapësirë ekspozimi dhe njëkohësisht si një pikë takimi për ata që e konsiderojnë detin pjesë të rëndësishme të jetës së tyre. Ambienti përçon një ndjesi elegance dhe profesionalizmi, ndërsa stafi i trajnuar ofron informacion të detajuar dhe këshillim të kualifikuar mbi çdo mjet dhe teknologji të pranishme.
Në kuadër të vizionit të saj për rritje të qëndrueshme dhe ndërkombëtarizim të markës, Mektrin Marine ka planifikuar gjatë këtij viti pjesëmarrje në panaire detare ndërkombëtare dhe evente ekskluzive, me qëllim forcimin e pranisë në treg dhe ndërtimin e një reputacioni të qëndrueshëm në rajon si markë elitare.
Me një kombinim të qartë ndërmjet produkteve të nivelit të lartë dhe një shërbimi të orientuar plotësisht drejt klientit, Mektrin Marine përfaqëson sot një standard të ri në tregun shqiptar të mjeteve lundruese. Një standard që respekton pasionin për detin dhe e ngre atë në nivelin që meriton.
