Turlock Irrigation District ka arritur të sigurojë një grant prej $20 milionë nga qeveria për zhvillimin e një projekti për herë të parë në këtë vend, i cili do të ketë një efekt të dyfishtë: do të krijojë energji të rinovueshme ndërkohë që kursen ujin gjatë këtij proçesi.
Project Nexus është bazuar në një analizë të publikuar vitin e kaluar në revistën Nature, e cila shpjegon me shifra përfitimet e instalimit të paneleve diellore mbi kanale. Një pjesë e madhe e ujit që kalon në Kaliforni, kalon përmes kanalit 6,437 kilometra që transporton ujin nga malet Sierra Nevada. Mirëpo furnizimi me ujë po has kërcënime të konsiderueshme nga mbipërdorimi dhe ndryshimet klimatike, prandaj Project Nexus ka si qëllim të përmirësojë gjendjen përmes instalimit të paneleve diellore mbi kanale.
Mbulimi i të gjithë gjatësisë së kanalit me panele diellore mund të shpëtojë deri në 284 miliardë litra ujë në vit (e mjaftueshme për të ujitur 202 km katror fusha ose të mbulojë shpenzimet e ujit për 2 milionë banorë).
Gjithashtu, ndërkohë që rritet volumi i ujit që furnizon banorët, panelet do të prodhojnë 13 gigavat energji diellore, rreth 1/6 e të gjithë nevojave për energji elektrike të këtij shteti.
Mirëpo ky projekt do të mbulojë vetëm 2 segmente të vogla të kanalit dhe do të gjenerojë energji të mjaftueshme për 100,000 familje, dhe do të shërbejë si një provë e mënyrës se si panelet diellore do të funksionojnë dhe sa do të kushtojnë instalimet dhe mirëmbajtja e tyre, duke krijuar një ide preçize.
