Shkencëtarët kanë zbuluar disa gjurmë humane të cilat mendohet të jenë rreth 300,000 vjeçare në Gjermani, dhe për fat të mirë ato janë ruajtur në një gjendje mjaft të mirë. Këto gjurmë janë gjetur në malet Harz në vendin e njohur si Schöningen Paleolithic site dhe mendohet se i përkasin paraardhësve të quajtur Homo Heidelbergensis, njerëzit e parë që arritën të ndërtonin shtëpi dhe të dilnin në gjueti për kafshë të mëdha.

Në këtë vend janë gjetur dhe disa gjurmë kafshësh si dhe provat e para të ekzistencës së elefantëve në këtë regjion. Mendohet se këta njerëz kanë jetuar në Afrikë dhe Euroazi nga 700,000 – 200,000 vite më parë.

Gjurmët u zbuluan nga një ekip kërkuesish dhe shkencëtarësh ndërkombëtarë në baskëpunim me ata nga University of Tubingen. Drejtuesi i këtij studimi, Dr Flavio Altamura tha: “Për herë të parë në bëmë një investigim të detajuar të gjurmëve të zbuluara në dy vendet e kërkimit në Schöningen. Këto janë gjurmët më të vjetra të gjetura në Gjermani dhe me shumë mundësi janë lënë pas nga Homo Heidelbergensis. Duke u bazuar në të gjitha provat e gjetura, mendohet se gjurmët janë lënë nga një familje që po lëvizte dhe jo nga një grup gjuetarësh.”

Ekipi i studiuesve analizuan dhe provat e gjetura që besohet se i përkasin Palaeoloxodon antiquus, një specie e zhdukur e elefantëve që dikur ishte kafsha më e madhe në planet dhe peshonte deri në 12 ton.

Gjurmët më të vjetra humane të zbuluara mendohet të jenë rreth 800,000 vjeçare, të cilat u zbuluan në 2014 pranë bregut Norfolk.