January 29, 2022

Drejtuesi i Instagram Adam Mosseri do të japë dëshminë e tij para Kongresit

Drejtuesi i Instagram Adam Mosseri do të japë dëshminë e tij para Kongresit

Drejtuesi i Instagram, Adam Mosseri po përgatitet që të japë dëshminë e tij para Kongresit për herë të parë muajin e ardhshëm, siç raportohet nga New York Times.

Kjo dëshmi e Mosseri gjatë muajit të ardhshëm vjen pas deklaratave që bënë shumë bujë nëpër internet të cilat tregonin se Facebook mund të dëmtonte shëndetin mendor të të rinjve. Dokumentet e brendshme të Facebook u bënë leak nga Frances Haugen, e cila ia dërgoi ato Wall Street Journal më herët gjatë këtij viti.

Subkomiteti i mbrojtjes së konsumatorit mbajti seancën e parë dëgjimore në shtator të këtij viti me drejtuesen globale të sigurisë, Antigone Davis. Më vonë senatori Richard Blumenthal thërriti CEO e Facebook, Mark Zuckerberg dhe Mosseri-n e Instagram që të paraqiteshin për të rregulluar ndonjë deklaratë të gabuar të Davis.

Prindërit në të gjithë Amerikën janë tepër të shqetësuar nga raportimet e fundit se Facebook është në dijeni se Instagram mund të shkaktojë dëmtime të gjata në shumë adoleshentë dhe fëmijë, sidomos në shëndetin e tyre mendor dhe mirëqenien e tyre. Këto prindër dhe 20 milionë përdorues të rinj në moshë të këtij aplikacioni kanë të drejtën të dinë të vërtetën rreth sigurisë së Instagram.” tha senatori.

Blumenthal është zotuar se do të aprovojë disa rregulla të reja mbi sigurinë online të fëmijëve pas këtyre raportimeve. Ky komitet ka prezantuar disa projektligje që do të vendosin limite në dizajnin e platformave dhe llojet e përmbajtjeve që i shfaqen fëmijëve nën moshën 16 vjeç për të parandaluar dëmtimin e shëndetit mendor tek kjo grupmoshë.

Thursday, 25 November 2021 09:24 Last modified on Thursday, 25 November 2021 09:44

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
info@geekroom.al, marketing@geekroom.al

Editorial Staff:
Brenton Bënja
Bekim Haveriku 
Xhonald Mamo
Kristian Hodo
Klementina Mema

 

 

Geek Room © 2019