Dhe pse Google ka një vlerë në treg prej $1.18 trilionë, ka nisur të kursejë akoma më tepër duke detyruar disa punonjës të ndajnë hapësirën e tyre të punës me punonjësit e tjerë.
CNBC raporton se në një dokument të brendshëm është bërë e ditur se plani për ndarjen e tavolinave të punës mes disa punonjësisht do të prekë të gjithë stafin e Google Cloud, të cilët përbëjnë më tepër se çerekun e numrit të plotë të punonjësve në Google.
Kompania i ka treguar punonjësve se ato mund të alternojnë ditët kur vijnë në zyra, përshembull një person mund të vijë të hënën dhe të mërkurën, ndërkohë që tjetri të martën dhe të enjten, në mënyrë që të përdorin një hapësirë të përbashkët pune.
“Përmes këtij proçesi, punonjësit do të arrijnë një marrëveshje për përdorimin e një konfigurimi bazik në tavolinën e tyre të punës si dhe të ndajnë hapësirën e tyre me partnerë të tjerë për të siguruar një eksperiencë pozitive në ambientin e ri të përbashkët.” lexohet në dokument.
Ky plan do të hyjë në fuqi në 5 ambientet më të mëdha të Google Cloud në SHBA: Kirkland, Washington, New York City, San Francisco, Seattle dhe California.
Njerëzit kanë shumë qejf të personalizojnë ambientin e tyre të punës, mirëpo tashmë një gjë e tillë nuk do të jetë më e mundur. Prandaj Google ka caktuar një drejtues në hapësira të tilla të cilët nuk do të lejojnë vendosjen e sendeve personale në këto tavolina, për të parandaluar debate të mundshme.
