Përgjatë 8 vitesh, 4,500 specie bimësh dhe kafshësh do të studiohen si pjesë e programit që quajtur ATLASea, një program i bashkëdrejtuar nga Qendra Kombëtare Franceze për Studimet Shkencore (CNRS) dhe Komisioni për Energjinë Atomike (CEA). Qeveria do të përgatisë një fond prej €41 milionë për të mbështetur këtë projekt që pritet të nisë gjatë gjysmës së dytë të këtij viti.
Qëllimi kryesor i Francës është të ruajë sekuencat e gjenomës së këtyre specieve në një “hartë gjenetike” në mënyrë që të mbrojë biodiversitetin e marinës së saj.
Dhe pse shumica e specieve në hapësirën detare janë të njohura, gjatë këtij projekti mund të zbulohen disa specie të reja. Drejtuesi i ATLASea, Patrick Wincker tha: “Ne do të kemi një vision më të mirë të të gjitha grupeve të mëdha që përbëjnë biodiversitetin e marinës sonë.”
Provëzat e marra më pas do të ngrihen dhe do të ruhen në një qendër analizimi në Paris. Pajisjet e teknologjisë së lartë do të bëjnë të mundur “nxjerrjen e zinxhirëve të gjatë të ADN para zbulimit të sekuencës së plotë të gjenomës”.
Në këtë program pritet të identifikohen 70 milionë gjene, që më pas do të ruhen në një databazë. Më vonë do të bëhet i mundur studimi i evoluimit të këtyre specieve, si dhe të krahasohen variacionet gjenetike. Në speciet e rrezikuara, si delfinët apo balenat, diversiteti gjenetik është ulur shumë.
