Elon Musk thotë përmes një tweet-i se ”puna e re e Bezos është nisja e betejave gjyqësore kundër SpaceX”

Me sa duket Elon Musk i kanë “ardhur në majë të hundës” të gjitha betejat gjyqësore të nisura nga multimiliarderi tjetër Jeff Bezos.

Disa javë më parë kompania hapësinore e Bezos, Blue Origin, paditi NASA-n pasi nuk nuk arriti dot të fitonte një kontratë shumë të rëndësishme që do të dërgonte astronautët në Hënë. Fakti që i irritoi dhe më shumë ishte se kjo kontratë u nënshkrua me kompaninë rivale SpaceX.

Tashmë rradhën e ka vetë SpaceX për t’u “paditur” nga Amazon, e cila kërkon nga Federal Communications Commission që të ndalojë planet e dorëzuara nga SpaceX për lançimin e një grupi të ri satelitësh Starlink.

Disi i irrituar nga këto lëvizje të rivalëve të tij, Elon Musk është kundërpërgjigjur në Twitter: “Me sa duket Bezos dha dorëheqjen nga puna e mëparshme për të punuar në ngritjen e padive të reja kundër SpaceX..”

Në fakt lëvizja e fundit nga Amazon nuk është një padi por një ankesë ose letër në shenjë proteste. “Teknikisht” nuk është se Amazon po kërkon ndalimin e dërgimit të satelitëve të tjerë në hapësirë, por kërkon që kompania të ketë plane më të qarta.

Aktualisht Starlink fuqizohet nga flota me 1,740 satelitë që i shërbejnë rreth 90,000 klientëve.