Elon Musk de Grimes kanë mirëpritur në dhjetor të vitit të kaluar fëmijën e tyre të 2-të, një vajzë me emrin Exa Dark Sideræl Musk, përmes një nëne surrogate. Kjo gjë u bë e ditur në një intervistë të këngëtares me Vanity Fair të publikuar gjatë ditës së enjte.
Fillimisht Grimes nuk ishte e gatshme të zbulonte fëmijën e dytë të çiftit, mirëpo gjatë intervistës në shtëpinë e saj, gazetari i Vanity Fair, Devin Gordon, dëgjoi një fëmijë teksa qante.
Kur ajo u pyet nëse kishte një fëmijë të ri në jetën e saj, këngëtarja zbuloi se nuk ishte e lirë të fliste mbi këto gjëra, mirëpo më pas e konfirmoi praninë e fëmijës së dytë me Elon Musk. Grimes tregoi për Vanity Fair se emri Exa i referohet termit exaFLOPS (aftësia e superkompjuterit për të kryer 1 kuintilion veprime në sekond). Nga ana tjetër Dark përfaqëson “të panjohurën”.
Kjo vajzë është fëmija e dytë e Grimes dhe e teta për Elon Musk. Përmes një postimi në Twitter, Grimes shprehu dëshirën e saj për të mbajtur sekrete detajet mbi të bijën e saj. “Sigurisht që nuk i tregova të gjitha, në kundërshtim me titullin e përdorur në publikim.” tha ajo.
?2 clarify a few things; I did this to speak abt my work, not “reveal all” haha. Def held back a lot, contrary 2 headline. & didn’t mean for them 2 find out about my daughter so please respect her privacy as I’d love her to be able to live as private of a life as possible ? pic.twitter.com/cyITehYRCx
— ?????? (⌛️,⏳) ᚷᚱᛁᛗᛖᛋ (@Grimezsz) March 10, 2022
Për momentin Grimes dhe Elon Musk duket se janë ndarë sërisht, por dihet mjaft mirë se ato janë në një marrëdhënie me shumë ndryshime vazhdimisht.
