Studio daneze e arkitekturës CEBRA është inspiruar nga malet e Shqipërisë për të dizenjuar projektin fitues të pikës më të re të referimit në qendër të Tiranës. Parashikohet që kjo kullë e re të përfaqësojë një punë të veçantë arkitekuturore e cila përfaqëson identitetin dhe kulturën e kombit.
CEBRA u deklarua si fituese e garës nga një juri ndërkombëtare ku përfshiheshin kryeministri Edi Rama dhe kryetari i bashkisë së Tiranës Erion Veliaj, 4 arkitektë ndërkombëtarë dhe klienti Nova Construction 2012.
Kjo ndërtesë do të jetë e lartë 185 metra, duke u bërë kështu ndërtesa më e lartë në Shqipëri. Arkitektët që dizenjuan “Mount Tirana” u mbështetën gjithashtu dhe në ndërtesën e Skëndërbeut që do të ndodhet shumë pranë saj, dhe vendosën të shtonin kënde të mprehta dhe praninë e bimësisë në ndërtesë.
Përmes Mount Tirana, CEBRA prezanton një mundësi të gjërë zgjedhje, pasi në këtë ndërtesë do të ofrohen hapësira për banim, dyqane si pjesë e një qendre tregtare, hotel, restorante apo dhe zyra.
Ekipi i arkitektëve dëshiron që të minimizojë emëtimin e karbonit të kësaj ndërtese, prandaj kanë vendosur që ajo të rrethoht nga shkëmbinjtë natyral. Gjithashtu janë bërë përpjekje për të minimizuar nevojën për ftohje të ndërtesës dhe janë zgjedhur bimë që rriten në vendin tonë për të mbuluar taracat e “malit”.
