Sapo u zbulua se miliarderi kontrovers Elon Musk ka një fëmijë të njëmbëdhjetë për të cilin nuk ka folur dhe emri i tij është po aq i çuditshëm me dy fëmijët e tjerë që kishte me Grimes.
Kur Elon Musk është në lajme, është gjithmonë për një arsye që njerëzit nuk mund ta marrin me mend. Pavarësisht nëse është përleshja që ai dëshiron të ketë me CEO-n e Meta, Mark Zuckerberg, ose ndryshimi i të gjithë identitetit të Twitter në shkronjën X, miliarderi është gjithmonë plot surpriza.
Edhe jeta e tij personale është argëtuese. Fëmijët që ka me ish-partneren dhe këngëtaren Grimes kanë emra që kanë pushtuar internetin. Emri i fëmijës së tyre të parë është X Æ A-Xii, ose shkurt X. Vajza e tyre quhet Exa Dark Sideræl Musk, ose Y.
Mirëpo si quhet fëmija i njëmbëdhjetë i Elon Musk?
Më 9 shtator, disa botime, duke përfshirë The Independent, raportuan se emri i fëmijës së njëmbëdhjetë të Elon, dhe i treti me Grimes, është konfirmuar përmes biografisë së tij të papublikuar. “Fëmija, i quajtur Techno Mechanicus, shkurt Tau, dhe është fëmija i 11-të i CEO-s së Tesla-s me tre gra”, thuhet në media. Burimi i informacionit nuk ka bërë të ditur moshën e Tau. Megjithatë fansat nuk do të presin gjatë, pasi biografia e Musk do të publikohet në 12 shtator.
