Miliarderi Bill Gates, filantropisti dhe bashkëthemelues i Microsoft, tha se u takua me Presidentin Donald Trump në Shtëpinë e Bardhë të mërkurën për të diskutuar vazhdimin e dhënies së ndihmës së huaj nga Agjencia Amerikane për Zhvillim Ndërkombëtar (USAID).
“Isha i pranishëm në Shtëpinë e Bardhë sepse ka shumë diskutime në këtë drejtim, për sa i përket ndihmës së huaj, çfarë bëjmë – është e gjitha në ajër,” i tha ai spikeres së emisionit “TODAY” të NBC, Savannah Guthrie në një intervistë. “Dhe unë po bëj çmos për t’u siguruar që të mbajmë gjërat që mendoj se janë shumë të bazuara në vlera.”
Gates tha se kishte një “takim të shkurtër” me Trump dhe një “takim të gjatë” me shefen e shtabit Susie Wiles, të cilën ai e quajti “shumë serioze“. Ai foli me Guthrie në një ngjarje në Universitetin George Washington, ku po promovonte librin e tij të ri.
“Është e pabesueshme se çfarë pasurie është kjo për SHBA,” tha ai, duke iu referuar operacioneve të USAID-it në mbarë botën. “Unë i njoh të gjitha agjencitë e zhvillimit të të gjitha vendeve, dhe kjo është më e mira prej tyre.”
Administrata Trump ka vënë në shënjestër USAID-in, një agjenci e financuar nga taksapaguesit që shpërndan miliarda dollarë ndihma humanitare drejt vendeve të tjera, por ka tërhequr vëmendjen nga Departamenti i Efiçencës së Qeverisë së Elon Musk, i cili e ka akuzuar atë për shpenzime të kota.
Edhe pse me ardhjen e tij në pushtet, Trump bëri bashkë shumë gjigandë të teknologjisë si Elon Musk, Mark Zuckerberg, Sundar Pichai apo Shou Zi Chew, këta persona nuk ndajnë të njëjtin opinion në tema të ndryshme, si përshembull shërbimi i USAID që mbrohet nga Gates apo projekti Stargate që u kundërshtua nga Elon Musk.
