Dy astronaut të cilët fluturuan me Blue Origin të Jeff Bezos treguan se mendimet e William Shatner ishin të vërteta, pasi gjatë këtij fluturimi ato ndjenë hidhërim dhe trishtim.
Aktori i Star Trek shkruajti në librin e tij më të ri “Boldly Go: Reflections on a Life of Awe and Wonder” se fluturimi i tij drejt hapësirës me Blue Origin e bëri të ndihej si në një funeral dhe se gjithçka që ai ndjente ishte mërzia.
Kjo nuk është hera e parë që Shatner ka shprehur emocionet që ai ka përjetuar pas kësaj aventure. Pas uljes në Tokë, ai i tha Bezos se ai shpresonte që të mos rekuperohej asnjëherë nga kjo eksperiencë, dhe për CNN tregoi se nuk mund të pushonte së qari pas fluturimit në hapësirë.
Sharon dhe Marc Hagle, çifti i parë i cili ka fluturuar drejt hapësirës në një udhëtim komercial, ishin shumë dakord me fjalët e aktorit 91 vjeçar. “Errësira e hapësirës ishte shumë e padepërtueshme. Ju nuk mund të shikonit përtej saj. Nuk mund të shikoje asnjë reflektim, asnjë yll, asgjë.” tha Sharon, duke kuptuar mjaft mirë eksperiencën e Shatner. “Kjo gjë mu duk sikur ishe në njërën anë të murit, e cila ishte drita, dhe nuk isha në gjendje të kaloja përtej errësirës.”
Shatner shkruajti në librin e tij se hapësira ishte “e ftohtë, e errët dhe e zezë” dhe se kontrasti me Tokën e bëri të ndihej shumë i mërzitur. Shpesh herë këto ndjesi përshkruhen me termin “overview effect” – një ndryshim i aftësive njohëse që përjetohet nga astronautët kur shikojnë Tokën nga hapësira.
