Nëse ju i keni kushtuar vëmendje komenteve të përdoruesve të ndryshëm të XC40 Recharge dhe C40 Recharge, mund të keni vënë re se një ndër dëshirat kryesore të tyre është integrimi i Apple CarPlay në sistemin infotainment.
Duke përmbushur dëshirën e shumë përdoruesve, Volvo lajmëroi këtë javë se do të sjellë përmes update-it të ri over-the-air Apple CarPlay në makinat Volvo. Lajm fantastik sipas Geek Room. Ky update falas do të aplikohet në të gjitha makinat Volvo që përdorin sistemin infotainment të bazuar në Android Automotive. Për të aktivizuar CarPlay, ju duhet të përdorni një kabëll standard USB.
Android Automotive është një sistem operativ që përdor Android si bazën e saj. Në këtë mënyrë lejohet një integrim shumë i thellë me shërbimet e Google, si i kudondodhuri Google Maps dhe Play Store. Megjithatë, kur ai u integrua për herë të parë, nuk lejonte mundësinë e aktivizimit të Apple CarPlay.
Tashmë që Volvo solli CarPlay në makinat e saj, ia ka lehtësuar shumë punën përdoruesve të cilët kanë një iPhone si pajisjen e tyre kryesore. Studimet kanë treguar se shpesh herë përdoruesit e iOS/Android refuzojnë të blenë një makinë që nuk ofron CarPlay/Android Auto. Pra prania e të dyja sistemeve është një pikë shumë e fortë e makinave Volvo.
Duke nisur me modelin e vitit 2023, Volvo do të nisë të shesë vetëm versione elektrike të pajisjeve ose hibride. Modelet që përdorin vetëm lëndë djegëse janë tashmë një gjë e së shkuarës.
