Të ndalosh për të rimbushur makinën me karburant ose për ta karikuar atë në një udhëtim të gjatë rrugor është një një fenomen i pashmangshëm – por këta studentë kanë arritur të krijojnë një teknologji që i bën ndalesat pothuajse inekzistente.
Automjeti i tyre me dy vende, Stella Terra, sapo ka përfunduar një provë prej 1000 km në Marok dhe shkretëtirën e Saharasë pa u ndalur një herë për t’u rikarikuar. E dizenjuar nga studentë në Universitetin e Teknologjisë në Eindhoven, Stella Terra përshkruhet si ‘SUV-i i parë diellor off-raod në botë’.
Kjo makinë ka një shpejtësi maksimale prej 145 km/h, peshon vetëm 1.2 ton dhe ka një autonomi prej 700km në një ditë me diell. Duke u mbështetur vetëm në panelet diellore të integruara të makinës, automjeti kaloi nga bregu verior i Marokut, përmes shtigjeve jashtë rrugës të maleve Rif dhe në dunat ranore të Saharasë.
Wisse Bos, menaxheri i ekipit të projektit, tha se teknologjia e përdorur ishte një dekadë përpara çdo gjëje tjetër aktualisht në treg. “Stella Terra duhet t’i rezistojë kushteve të vështira të rrugës jashtë rrugës, ndërsa mbetet efikase dhe mjaft e lehtë për t’u fuqizuar nga dielli. Kjo është arsyeja pse ne duhej të projektonim pothuajse gjithçka për Stella Terra vetë, nga suspensioni deri te invertorët për panelet diellore”, tha zoti Bos.
Për të siguruar që makina mund të funksiononte vetëm me fuqinë e diellit, inxhinierëve iu desh ta bënin shasinë sa më të lehtë. Ky doli të ishte një avantazh i madh kur bëhej fjalë për udhëtime off-road, pasi pesha e lehtë dhe sistemi i personalizuar i amortizimit bënin që Stella Terra ishte më pak e prekur nga kushtet e këqija të sipërfaqes.
