Shitjet e makinave elektrike në Bashkimin Evropian ishin pothuajse sa gjysma e të gjitha regjistrimeve të makinave të reja të pasagjerëve në BE midis janarit dhe nëntorit 2023 dhe tashmë kanë kaluar gjysmën vetëm në muajin nëntor.
Automjetet e elektrifikuara – qofshin modele plotësisht elektrike, hibride plug-in ose hibride të plota – përbënin mbi 47.6% të të gjitha regjistrimeve të makinave të reja të pasagjerëve në BE që nga nëntori, nga 43% në të njëjtën periudhë të vitit të kaluar, tha Shoqata Evropiane e Prodhuesve të Automjeteve (ACEA).
Regjistrimet e makinave të reja në BE u rritën me 6.7% në nëntor, muaji i 16-të radhazi i rritjes, me një rritje prej 13.3% nga viti në vit në regjistrimin e automjeteve elektrike. Regjistrimet e makinave me benzinë u rritën me 4.2%, ndërsa i atyre me naftë ra me 10.3%, tregojnë të dhënat.
Regjistrimet e makinave plotësisht elektrike u rritën 16,4% nga një vit më parë, në 144,378 automjete, edhe pse regjistrimet në Gjermani, tregu më i madh i EV në Evropë, ranë me 22,5% në 44,942 automjete. Në tregun e makinave të elektrifikuara, konsumatorët vazhduan të preferonin automjetet hibride-elektrike, me një rritje nga viti në vit prej 28.7%, ndërsa kërkesa për hibride plug-in ra me 22.1%.
Regjistrimet e makinave hibride-elektrike në Gjermani, Francë dhe Itali ishin mbi 1.5 milion automjete nga pothuajse 2.5 milion automjete totale në BE. Pavarësisht rritjes së shitjeve të automjeteve elektrike, ACEA tha më herët në dhjetor se në Evropë sektori i EV rrezikon të mbetet prapa rajoneve të tjera nëse s’ka një strategji të fortë industriale të BE-së, për shkak të dominimit të Kinës në zinxhirin e furnizimit dhe stimujve të SHBA për prodhuesit e saj të automjeteve.
Prodhuesi më i madh i makinave në Evropë, Volkswagen, tha në tetor se kërkesa për automjete elektrike nuk po zhvillohej siç pritej, ndërsa prodhuesi i automjeteve luksoze Mercedes-Benz paralajmëroi për ulje të mëdha të çmimeve dhe probleme në zinxhirin e furnizimit.
Ndërkohë që kompanitë evropiane po hasen me probleme, Tesla vazhon të jetë një konkurrent i fortë në kontinent, duke përbërë gati 22% të regjistrimeve të makinave plotësisht elektrike në BE.
