Dy nga pyetjet më të shpeshta rreth makinave elektrike XC40 Recharge dhe C40 janë: “Sa kilometra mund të bëjë makina me një karikim të vetëm?” dhe “Sa kohë nevojitet për të karikuar makinën?”
Si pjesë e një pakete të re me përmirësime për produktet, Volvo Cars ka përmirësuar shpejtësinë e karikimit dhe autonominë e këtyre modeleve deri në 60 km.
Për më tepër, do të ofrohen 3 mekanizma të rinj që vënë në lëvizje makinën, ku përfshihen 2 variante rear-wheel-drive – hera e parë në 25 vite që Volvo ofron një produkt me goma të pasme aktive – si dhe një model të përmirësuar all-wheel drive performance.
Volvo Cars ka zhvilluar gjithashtu vetë për herë të parë gjeneratën e dytë të motorëve elektrik magnetik që aktivizojnë aksin e pasëm për makinat elektrike C40 dhe XC40.
“Këto përmirësime janë një tjetër hap i madh në punën tonë drejt shndërrimit në një prodhues vetëm të makinave tërësisht elektrike deri në vitin 2030.” tha Javier Varela, COO dhe zëvëndës drejtues ekzekutiv i Volvo Cars. “Autonomia dhe koha e karikimit janë faktorët kryesorë për shumë klientë tanë, prandaj këto përmirësime i bëjnë modelet tona tërësisht elektrike dhe më tërheqëse seç ishin më parë.”
Rikthimi i fuqisë së gomave aktive të pasme
Motori me autonomi standard në 2 modelet e reja rear-wheel drive nxiten nga motorët elektrik magnetik 175kW të cilët rrisin me 3% fuqinë dalëse në krahasim me variantet 170kW front-wheel-drive.
Në XC40 Recharge, e njejta bateri me kapacitet 69kWh, falë përmirësimeve në efiçiencën e ftohjes mund të ofrojë një autonomi deri në 460km në vend të 425km që ofronte më parë.
Nga ana tjetër autonomia e C40 Recharge është përmirësuar deri në 476km nga 438km. një karikim 10-80% kërkon 34 minuta duke përdorur karikuesin 130kW DC.
Përmirësimi i versionit all-wheel drive
Varianti all-wheel drive do të përfitojë gjithashtu nga përmirësimet e reja. Motorët elektrikë magnetikë 150kW janë zëvëndësuar tashmë nga motori i ri 183kW në aksin e pasëm dhe një motor 117kW në aksin e parmë.
Ky konfigurim i ri, së bashku me një bateri 82kWh dhe përmirëisme të tjera në efiçiencën e ftohjes, mund të bëjë që XC40 Recharge Twin Motor AWD të kryejë deri në 500km me një karikim të vetëm, një rritje me 62km. Gjithashtu Volvo C40 Recharge Twin Motor AWD do të rrisë autonominë me 56km të tjera, duke arritur deri në 507km me një karikim të vetëm.
Karikuesi i ri i bordit në seritë 90 dhe 60
Modelet plug-in hybrid në serinë 90 dhe 60 do të kenë një karikues të ri dy fazor që i lejon këto modele të karikohen më shpejt.
