Ditën e martë, Mercedes-Benz prezantoi makinën tërësisht elektrike EQS SUV me 7 vende e cila përdor të njejtën platformë me makinën tjetër luksoze EQS. Me një autonomi prej 600 km, kjo makinë do të konkurojë Tesla Model X dhe BMW iX kur të dalë në shitje më vonë gjatë këtij viti.
Nuk ka ende një informacion zyrtar mbi çmimin e makinës, por pritet që ajo të kushtojë $110,000-$130,000. Në shumë aspekte të ndryshme, EQS SUV është thjesht një version më i madh i makinës EQS: e njejta Hyperscreen 56” (në modelin më high-end), e njejta bateri 107.8kWh dhe e njejta gjuhë dizenjimi.
Do të ketë dy modele të kësaj makine: 450+ me rrota të pasme aktive dhe 355 kuajfuqi (dhe ekran 12.8 inç në drejtim vertikal), dhe 580 4MATIC dual motor me 536 kuajfuqi.
Madhësia është diferenca kryesore e kësaj makine me EQS. EQS SUV është 20 cm më e lartë. Me gjatësinë 5.13 metra, gjerësinë 1.95 metra dhe lartësinë 1.72 metra, kjo makinë është pak më e vogël se Mercedes GLS-Class 2022.
Përveç madhësisë, një tjetër diferencë midis modelit EQS dhe EQS SUV janë aftësitë off-roading. EQS SUV do të vijë dhe më një OFFROAD driving mode, ku drejtimi është i optimizuar për rrugët e pashtruara ose të pjerrëta.
Mercedes ka specifikuar se makina do të karikohet nga 10 në 80% në vetëm 31 minuta përmes karikuesve 110kW ose më shpejta.
