Kanë kaluar më tepër se 50 vite që kur Mercedes-Benz prezantoi makinën portokalli C111, dhe tashmë kompania ka zhvilluar një koncept të ri supermakine të bazuar në këtë model.
E ashtuquajtur One-Eleven, supermakina elektrike duket tepër e veçantë për shkak të ngjyrës portokalli të kombinuar me atë të zezë në pjesën e jashtme. Kjo makinë është gjithashtu shumë aerodinamike. Interiori i One-Eleven duket si një lounge me dy sedilje të stilit F1 dhe një timon drejtëkëndor.
Kjo makinë është një riinterpretim i C111, makinës eksperimentale nga vitet 1960 dhe është përshtatur për të bashkëpunuar me një AR headset për të sjellë në jetë elementet e ndryshme të panelit të kontrollit. Prodhuesi gjerman i makinave tregon se ky koncept “prezanton një ndërthurje mjaft të mirë midis linjave musklore dhe këndeve elegante” dhe se është më e ngjashme me një vepër arti me dizajnin e saj ikonik, minimalist dhe mjaft të bukur.
“Kjo është e bukura dhe e jashtëzakonshmja të bashkuara në një vision të vetëm për të ardhmen,” tha Gorden Wagener, dizenjues i makinave në Mercedes-Benz Group.
Shpejtësia e One-Eleven nuk është konfirmuar ende, megjithatë makina origjinale C111 mendohej se arrinte shpejtësinë maksimale 403 km/h.
Në pjesën e parme dhe të pasme, ku ndodhen targat, kjo makinë ka një ekran me pixels që mund të shfaqë mesazhe për drejtuesit e tjerë të makinave.
