LG Electronics ka njoftuar se ka shpikur dhe do të debutojë një antenë të hollë transparente në Consumer Electronics Show (CES) 2024. Shpikja e re mund të aplikohet drejtpërdrejt në xhamin e automjeteve si xhami i përparmë ose pjesën e sipërme dhe është zhvilluar në bashkëpunim me prodhuesin francez Saint-Gobain Sekurit.
Dyshja thonë se ky antenë pritet të jetë një avancim tepër i rëndësishëm në industri, pra me pak fjalë LG dhe Saint-Gobain Sekurit kanë revolucionarizuar antenën e makinave. Të dyja kompanitë pritet të bëjnë bujë pasi kjo teknologji e re ofron më shumë opsione ndërlidhje sesa antena tradicionale dhe e bën më të lehtë për prodhuesit e automjeteve të krijojnë një makinë më aerodinamike.
Antena transparente e LG do të thotë se projektuesit e makinave nuk duhet të bëjnë ndryshime të rëndësishme në dizajn kur zhvillojnë modele të reja. Meqenëse rezistenca e erës është armiku i makinave elektrike, projektuesit duhet t’i bëjnë trupat e makinave sa më të lëmuara dhe të rrumbullakosura. Kjo është arsyeja pse Audi fillimisht shiti e-tron pa pasqyra anësore. Edhe Tesla Cybertruck ka një koeficient mbresëlënës fërkimi 0.335.
LG thotë se aplikimi i kësaj antene të hollë në një sipërfaqe të gjerë garanton shërbime të besueshme telekomunikacioni. Në një makinë standarde si Toyota Prius, ajo mund të sigurojë akses në Sistemin Global të Navigimit Satelitor dhe rrjetet Wi-Fi. Në modelet më të avancuara si BMW 7 Series, në të cilat ju mund të transmetoni drejtpërdrejt ndeshje në ekranin masiv, dhe kjo antenë mund të sigurojë mbulim 5G.
