Këtu në Geek Room jemi të dashuruar edhe me automjetet, por për makinat e policisë kemi një vend të veçantë në zemër.
Ndaj edhe nuk kishim si të mos flisnim për postimin e kryebashkiakut të Tulsa G.T. Bynum i cili propozon që bota të shpërblehet me një Police Tesla Cybertruck.
Po, Cybertruck-u aq shumë i përfolur pas lançimit të tij nga Musk më 22 Nëntor 2019. Nga memet dhe rikonceptimet më të çmendura që kemi parë në internet, koncepti i kreut të bashkisë së Tulsa është zyrtarisht i preferuari jonë.
If @Tesla and #Tulsa team up to change the world, it would only be right to #BuyLocal. #cybertruck @elonmusk pic.twitter.com/cQJ5baF1iN
— G.T. Bynum (@gtbynum) May 17, 2020
Historia është më e thellë se kaq, pasi Tulsa është një ndër qytetet finaliste në listën e vendeve ku Gigafactory e radhës nga Tesla do të ndërtohet. Suksesi i modeleve të mëparshme dhe kompanisë në vetvete i ka lejuar Musk që ta zgjerojë kapacitetin e prodhimit deri në Azi. Me plane për Europën rrugës.
Në listën e finalistëve bën pjesë edhe Austin, Missouri dhe Nashville. Kujtdo do ti bjerë lapsi për tu përzgjedhur si lokacioni i radhës, ndërmarrja do t’i sjellë pafund përfitime.
Në Gigafactory-n e Fremont California, 10,000 punëtorë prodhojnë Model S, Model 3, Model X dhe Model Y.
Musk ka thënë se fabrika e radhës do të ndërtojë Model Y dhe Cybertruck.
Ndaj edhe logjika e kryetarit të bashkisë është krejt e shëndetshme nëse fabrika do të ndërtohet në Tulsa, pasi nuk ka gjë më të shëndetshme sesa prodhimi i freskët i vendit.
