January 28, 2023

Projekti “Apple Car” po rrënohet nga problemet, pasi një makinë testuese pothuajse u përplas me një këmbësor në shpejtësinë 25km/h

Projekti “Apple Car” po rrënohet nga problemet, pasi një makinë testuese pothuajse u përplas me një këmbësor në shpejtësinë 25km/h

Një raportim i ri ka zbuluar se projekti i Apple për krijimin e një makine elektrike, i quajtur “Project Titan” po rrënohet dita ditës nga koha e madhe që po kalon mbi të dhe mungesa e mbështetjes për prodhimin në masë të tyre nga CEO Tim Cook.

The Information tregon se zyrtarët e lartë si Cook dhe Craig Federighi kanë shprehur haptazi shqetësimet e tyre mbi projektin, dhe se kanë shpenzuar shumë pak kohë në zyrat e Santa Clara, ku projekti po zhvillohet.

60139273-11002857-image-a-2_1657556035537.jpg

Më herët gjatë këtij viti, u raportua se një nga makinat testuese të Apple pothuajse u përplas me një person që po vraponte, ndërkohë që lëvizte me një shpejtësi prej vetëm 25km/h. The Information sqaroi se software-i i Apple e njohu vrapuesin si një objekt statik, më pas si një person statik dhe në fund si një këmbësor në lëvizje.

Megjithatë dhe pse njohja e këmbësorit u arrit, makina rregulloi vetëm pak drejtimin e saj. Për fat të mirë drejtuesi human që gjendej brenda në makinë mori kontrollin e makinës duke shkelur fort frenat në momentin e fundit. Nëse shoferi nuk do të ndërhynte, me shumë mundësi makina testuese e Apple do ta kishte goditur këmbësorin.

60139277-11002857-image-a-3_1657556039362.jpg

Një tjetër faktor që nuk e bind Tim Cook në zhvillimin e mëtejshëm të kësaj makine elektrike është fakti se 28% e amerikanëve nuk do ta konsideronin blerjen e një makine elektrike, sipas Consumer Reports.

Tuesday, 12 July 2022 01:24

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
[email protected], [email protected]

Editorial Staff:
Brenton Bënja
Bekim Haveriku 
Xhonald Mamo