Road & Track e ka vlerësuar makinën Ferrari 296 GTB si “Over $100,000 2024 Performance Car of the Year.”.
Titulli prestigjioz, i dhënë nga revista më jetëgjatë e makinave në Amerikë, i shtohet vlerësimeve të shumta që ka marrë 296 GTB që nga fillimi i tij – nderime të larta, të cilat përfshijnë “Supermakina Hibride e Vitit” nga GQ (MB); “Supermakina e Vitit” nga TopGear.com; dhe “Makina më e mirë e prodhuar”.
Përgjatë katër ditëve testimesh rigoroze në Kaliforninë Veriore, hibridi dy vendësh me motor V6 berlinetta plug-in, i impresionoi redaktorët e Road & Track me fuqinë dhe aftësitë mahnitëse të manovrimit, veçanërisht në lidhje me emocionet dhe përvojën e drejtuesit. Të gjithë konkurrentët u sfiduan në një seri seancash garimi në pistën Thunderhill West 3km të gjatë, si dhe u vlerësuan gjerësisht në rrugët plot dredha të Luginës Napa.
296 GTB, një evolucion i konceptit Berlinetta sportive me dy ndenjëse të Ferrarit, përfaqëson një revolucion për kompaninë me bazë në Maranello pasi prezanton motorin e ri 120° V6 të shoqëruar me një motor elektrik plug-in (PHEV), i aftë të ofrojë deri në 830 kuajfuqi.
Kështu, makina arrin të argëtojë drejtuesit duke i bërë të përjetojnë emocione të pastra jo vetëm kur arrijnë performancën maksimale, por edhe në drejtimin e përditshëm.
