Bota mund të jetë duke u ndjekur nga tersi, por jo Elon Musk, madje krejt e kundërta.
Gjatë hapjes së Konferencës Botërore të Inteligjencës Artificiale (WAIC) në Shanghai shefi i Tesla Inc. deklaroi nëpërmjet një video mesazhi se makinat e kompanisë së tij janë fare afër nivelit 5 të autonomisë.
Çka do të thotë se automjetet do të mund të vozisin rrugëve pa asnjë lloj inputi njerzor.
“Mbetem konfident se do të kemi funksionimin bazik të nivelit 5 të autonomisë të plotësuar deri në fund të këtij viti.“
Teknologjisë së referuar nga Musk, gjigandë si Waymo apo Uber janë duke i investuar biliona dollarë, e megjithatë të gjithë pranojnë se do të duhen vite derisa ajo të jetë gati apo publiku të krijojë besimin.
Të dhënat e tregut tregojnë se vetëm gjatë muajit të fundit Tesla arriti të shesë gati 15,000 Model 3 të prodhuar në fabrikën e Kinës, hapur vetëm së fundmi.
Aksionet e kompanisë janë për momentin më të vlerësuarat në bursë, duke ia kaluar edhe Toyota Motors Corp.
E nëse këto shifra nuk tregojnë se Elon di ç’po flet, atëhere çfarë?
