Zhurma që Apple Car shkaktoi nxorri në dritë edhe shumë fakte historike që askujt nuk i kishte shkuar në mendje, si për shembull Elon Musk paska qenë gati t’ia shiste Teslan kompanisë Apple por Tim Cook nuk ka qenë dakort
Dy vitet e fundit janë treguar shumë bujar me Musk e sidomos ky i fundit i cili e pozicionoi atë në vendin e dytë në listën e njerzve më të pasur në botë, ndërsa vetë kompania revolucionare e automjeteve elektike dhe autonome Tesla është sot prodhuesi i makinave më me vlerë në botë, kjo sidomos pas një rritje prej 600% të aksioneve gjatë 2020.
Megjithatë gjërat nuk kanë qenë fushë me lule, madje krejt e kundërta, Musk e ka bërë të ditur edhe më parë se në 2017, Tesla kaqenë fare pak shifra larg falimentit, ndërkohë kishte kohë që nuk prodhonte asnjë qindarkë fitim. Njeriu pas gjithë kësaj perandorie inovacioni ka shkruar në Twitter se në momentin kur programi Model Y ishte pranë dështimit ai kishte tentuar që t’ia shiste kompaninë Apple për 1/10 e vlerës që ajo ka sot. Por Tim Cook thjesht ka refuzuar që ta takojë.
During the darkest days of the Model 3 program, I reached out to Tim Cook to discuss the possibility of Apple acquiring Tesla (for 1/10 of our current value). He refused to take the meeting.
— Elon Musk (@elonmusk) December 22, 2020
A ka qenë ky vendimi i duhur? A është penduar sot Tim Cook?
Sot Tesla është një sukses i padiskutuar, e pavarsisht se flluska aktuale e aksioneve mundet edhe të bjerë sidoqoftë impakti dhe pozicioni që ajo ka në treg dhe mendjen e konsumatorit është solid, për të mos folur për avancimin teknologjik që e mban atë vite dritë larg konkurencës. Ajo sot numëron një sërë modelesh automjete, përfshi SUV si dhe Semi e Cybertruck që pritet të mbërrijnë në vijim.
Ndër të tjera Musk është shprehur pozitiv ndaj futjes së Apple në tregun e automjeteve, “është krejt logjike që një kompani si Apple të investojë në këtë drejtim. Por makinat janë shumë më komplekse krahasuar me smartphonët dhe smartwatch-et“
